"ESE NÚMERO TÉÑOO EU!"

CADA DÍA ESCRIBIMOS A DATA NO ENCERADO FIXÁNDONOS NOS NÚMEROS, PERO HOXE HOUBO ALGO DIFERENTE...

HOXE É VENRES 27 DE NOVEMBRO...

MARCOS, SORPRENDIDO, DIXO "ESE NÚMERO TÉÑOO EU NO MEU ZAPATO!"

ASÍ QUE NOS PUXEMOS A COMPROBAR OS NÚMEROS DOS NOSOS ZAPATOS: BUSCAR, OBSERVAR, COMPARAR, ORDEAR (DE MAIOR A MENOR E DE MENOR A MAIOR)...

PARA PODER COMPROBAR TIVEMOS QUE QUITAR UN ZAPATO!

"DE VERDADE QUE PODEMOS ESTAR SEN ZAPATO?" (VAIA CARAS DE ASOMBRO)

3ª XORNADA MATEMOCIÓNS (III)

PARA REMATAR AS SESIÓNS DEDICADAS Á HIPOTENUSA FIXEMOS UN TRIÁNGULO RECTÁNGULO XIGANTE!

CATETO, CATETO E HIPOTENUSA!

(ALGÚN E ALGUNHA NON PARA DE REPETILO, COMO SE FORA UNHA FÓRMULA MÁXICA)

AOS MANDILÓNS VERDES TOCOUNOS FORMAR UN DOS CATETOS.

NO BLOG DA BIBLIO PODÉDELO VER MOITO MELLOR!

3ª XORNADA MATEMOCIÓNS (II)

A SEGUINTE VISITA AO RECANTO DAS MATEMOCIÓNS FOI PARA PREPARAR E... COMER HIPOTENUSAS!. SI, COMO LEDES... AS PROFES TIÑAN PREPARADAS UNHAS MESAS COS INGREDIENTES E UTENSILIOS PREPARADOS.

BOTES CON CREMA DE CHOCOLATE E PAN DE MOLDE...

EXPLICÁRONNOS O QUE TIÑAMOS QUE FACER E PUXÉMONOS MANS Á OBRA.

PREPARADOS E PREPARADAS?

3ª XORNADA MATEMOCIÓNS (I)

VOLVEMOS AO RECANTO DAS MATEMOCIÓNS, CUNHA MISIÓN PARA CUMPLIR: DESCUBRIR QUE É UNHA HIPOTENUSA.
COMO SEMPRE, MOI ATENTOS E ATENTAS ESCOITAMOS A EXPLICACIÓN DAS MESTRAS.

2ª XORNADA MATEMOCIÓNS (II)

TEMOS MOITAS ACTUALIZACIÓNS PENDENTES...

POUCO A POUCO IREMOS POÑÉNDONOS AO DÍA!

LEMBRADES COMO COMEZOU A 2ª XORNADA DE MATEMOCIÓNS COA MATEMÚSICA?

(PODEDES RECORDALO PINCHANDO AQUÍ)

DESPOIS DE COÑECER MOITOS INSTRUMENTOS MUSICAIS E EXPERIMENTAR CON ELES, VISITAMOS O RECANTO DAS MATEMOCIÓNS, ONDE ALUMNADO E MESTRAS FIXEMOS UNHA COMPOSICIÓN ENTRE TODOS E TODAS.

PRIMEIRO ATENDIMOS ÁS INDICACIÓNS DA PROFE MARÍA E FOMOS TIRANDO OS DADOS.

2ª XORNADA MATEMOCIÓNS (I)

LEMBRADES CANTO GOZAMOS NA 1ª XORNADA MATEMOCIÓNS COA "MATEMAXIA"?

CELEBRAMOS O ANIVERSARIO DE MARTIN GARDNER E ASISTIMOS A UNHA ACTUACIÓN DO MAGO XACOBE.

NA 2ª XORNADA DE MATEMOCIÓNS, A PROTAGONISTA FOI A ...

"MATEMÚSICA"

CELEBRAMOS O ANIVERSARIO DE MOZART E ASISTIMOS AO TEATRO. UNHA XORNADA MOI COMPLETA.

UNS DÍAS ANTES RECIBIMOS CARTAS DE NICA (MASCOTA DA BIBLIO) PARA QUE NOS FORAMOS PREPARANDO. DITO E FEITO, A PROFE ANA TROUXO Á AULA MOITÍSIMOS INSTRUMENTOS E EXPLICOUNOS COMO SE TOCA CADA UN.

ORGANIZÁMONOS EN EQUIPOS (DO 1 AO 5) E DISTRIBUÍMONOS COMA UNHA ORQUESTRA. TIÑAMOS QUE PREPARAR UNHA COMPOSICIÓN COMO AS QUE FIXO MOZART CON... DADOS!

1ª XORNADA DE MATEMOCIÓNS (II)

NA 1ª XORNADA  DE MATEMOCIÓNS RECIBIMOS AO MAGO XACOBE E TAMÉN HOUBO TEMPO PARA VISITAR UN NOVO RECANTO DO NOSO COLE...

AS MESTRAS PILI E MARÍA ESTABAN AGARDÁNDONOS PARA CONTARNOS MOITÍSIMAS COUSAS MÁXICAS E PARA ACHEGARNOS Á MAXIA DAS MATEMÁTICAS.

1ª XORNADA DE MATEMOCIÓNS (I)

ENTRE AS ACTIVIDADES ORGANIZADAS NA 1ª XORNADA DE MATEMOCIÓNS, TIVEMOS A VISITA DO MAGO XACOBE.

AS CARAS DOS NENOS E NENAS PERMITEN IMAXINAR COMO O PASARON...

NICA PROPÓN... MEDO E MATEMÁTICAS!

PERO NON FALAMOS DE... MEDO ÁS MATEMÁTICAS!

RECIBIMOS OUTRA CARTA DE NICA (MASCOTA DA BIBLIOTECA) PROPOÑENDO ACTIVIDADES MOI INTERESANTES.

COMO SABEDES, O TEMA DESTE CURSO NA NOSA BIBLIOTECA SON AS EMOCIÓNS. NICA ASIGNOU AO ALUMNADO DE INFANTIL O MEDO E PEDIUNOS QUE ESCOLLERAMOS UN CADRO "DE MEDO".

TRÁTASE DE "O ROSTRO DA GUERRA" DE SALVADOR DALÍ.

ADEMAIS, NICA FALOUNOS DE QUE AS BIBLIOTECAS ESCOLARES DE GALICIA  TEÑEN COMO LEMA ESTE ANO "BIBLIOTECA ESCOLAR... MATEMÁTICO!". 

NÓS IMOS TRABALLAR NESTE SENTIDO.

COMEZAREMOS POR COÑECER AO MATEMÁTICO MARTIN GARDNER E Á SÚA OBRA.

DALÍ, GARDNER, EMOCIÓNS, MEDO, MATEMÁTICAS...

CANTO TRABALLO TEMOS POR DIANTE!