BIBLIOSIGÜEIRO-FORMACIÓN DE USUARIOS E USUARIAS

O "EQUIPO DE NICA" (EQUIPO DE BIBLIOTECA) ORGANIZOU UNHAS SESIÓNS DE FORMACIÓN PARA TODO O ALUMNADO DO CENTRO. POR SUPOSTO, NÓS TAMÉN ASISTIMOS.

AS MESTRAS ANA E MARÍA FORON AS ENCARGADAS DE EXPLICAR O FUNCIONAMENTO DA BIBLIOTECA DO COLE.

RECIBÍRONNOS E EXPLICARON CON MOITA PACIENCIA COMO FUNCIONA A BIBLIOTECA.

AMOSÁRONNOS AS DIFERENTES ZONAS NAS QUE SE ORGANIZA O ESPAZO.
A ZONA DE XESTIÓN É ONDE SE REALIZAN OS EMPRÉSTITOS. ALÍ AS MESTRAS E MESTRES REXISTRAN OS LIBROS QUE LEVA O ALUMNADO PARA CASA.
ANA E MARÍA EXPLICÁRONNOS PASO A PASO COMO SE REALIZA UN EMPRÉSTITO OU UNHA DEVOLUCIÓN.

LEMBRADE QUE PODEDES LEVAR TRES LIBROS PARA CASA DURANTE 15 DÍAS.

SÓ NECESITADES O NÚMERO DE LECTOR, PARA PODER REXISTRAR OS DATOS.

(O NÚMERO DE LECTOR PODEDES CONSULTALO NOS MARCADORES OU PREGUNTAR ÁS MESTRAS).

ADEMAIS DE VISITAR A BIBLIOTECA PARA COLLER LIBROS E LEVALOS Á NOSA CASA, ASISTIREMOS A DIFERENTES SESIÓNS COAS MESTRAS.

NESTAS VISITAS Á BIBLIOTECA, CANDO COLLEMOS UN LIBRO PARA VER, LER OU CONSULTAR TEMOS QUE EMPREGAR OS MARCADORES.

MARÍA E ANA AXUDÁRONNOS A DESCUBRIR ONDE ESTÁN OS MARCADORES E COMO DEBEMOS UTILIZALOS.

 É MOI IMPORTANTE LEMBRAR QUE OS MARCADORES SÓ SE PODEN USAR CANDO ESTAMOS LENDO NA BIBLIOTECA, NON CANDO OS LEVAMOS PARA CASA.

NESTA SESIÓN DE FORMACIÓN VOLVIMOS IDENTIFICAR AS PARTES DUN LIBRO E AS CORES DOS TELLOLOS DOS LIBROS E ÁLBUMES ILUSTRADOS AXEITADOS AOS NENAS E NENOS DE EDUCACIÓN INFANTIL.

SON OS TELLOLOS VERMELLOS E OS AZUIS.

NA ANTERIOR SESIÓN NA BIBLIOTECA XA O FALARAMOS. LEMBRADES?

ENCANTOUNOS A "VISITA GUIADA" POLA BIBLIOTECA.

GRAZAS A MARÍA E ANA POR ACOMPAÑARNOS!

HOXE NICA DEIXOUNOS NA AULA UNHA BOLSA CHEA DE CHUCHES PARA AGRADECERNOS A VISITA.

GRAZAS NICA!